Thenne syr launcelot sayd / fader what shalle I do / Now sayd the good man / I requyre yow take this hayre that was this holy mans and putte it nexte thy skynne / and it shalle preuaylle the gretely / syr and I wille doo hit sayd sir launcelot / Also I charge you that ye ete no flesshe as longe as ye be in the quest of the sancgreal / nor ye shalle drynke noo wyne / and that ye here masse dayly and ye may doo hit