And so musten oure clerkis argue whan þai aleggen for her lordeschip þe lyuynge of her patrons & sayntis, & sayen þus: "Seynt thomas & seynt hwe & seynt Swiþune wer þus lordis, & in þis þai suyd cristis lyuynge & his lore; þerfor we may lefulli be þus lordis." And I wote wel þat gabriel schal blow his horne or þai han preuyd þe mynor; þat is, þat þes seyntes or patrons in þis suyden þe lore or þe life of ihesu criste.